Sa ating layunin na mabigyan ng magandang edukasyon at kinabukasan ang mga kabataan, katuwang ng GMA Kapuso Foundation ang ating donors at sponsors para ito ay maisakatuparan. Kaya taos-pusong pasasalamat po sa lahat ng nagpaabot ng donasyon, na malaking tulong sa pagpapatuloy ng ating 'Kapuso School Development Project.' Maraming mag-aaral at guro ang mabibigyan natin ng pag-asa sa mga ipatatayo nating bagong classroom sa mga lugar na pinadapa ng Bagyong Odette.